Yunan-Roma güləşi üzrə Naxçıvan şəhər birinciliyi keçirilib.

30 avqust 2024-cü il tarixdə İlham Əliyev adına Olimpiya İdman Kompleksində şəhidlərin əziz xatirəsinə həsr olunmuş yeniyetmələr arasında yunan-Roma güləşi üzrə Naxçıvan şəhər birinciliyi keçirilib. 

Naxçıvan Şəhər İcra Hakimiyyəti, Naxçıvan Güləş Federasiyası və Naxçıvan Şəhər Gənclər və İdman İdarəsinin birgə təşkilatçılığı ilə keçirilən yarışdan öncə ümummilli lider Heydər Əliyevin və şəhidlərin əziz xatirəsi ehtiramla yad edilib. Açılış mərasimində çıxış edənlər tədbirin mahiyyəti və yarışın qaydaları haqqında məlumat veriblər. Şəhid Milli Qəhrəman Əliyev Əmiraslan Rza oğlunun qardaşı Əliyev Asif Rza oğlu çıxış edərək təşkilatçılara təşəkkürünü bildirib, qəhrəmanlarımızın gənc nəslə tanıdılması istiqamətində görülən işlərin sevindirici olduğunu vurğulayıb. Sonra şəhidin qardaşına yarışdan xatirə olaraq fəxri fərman təqdim edilib. 11 çəki dərəcəsi üzrə 50 idmançının mübarizə apardığı birincilikdə Qəhrəman Qəhrəmanov, Alcəfər Musayev, Natiq Gözəlov, İsmayıl Rüstəmov, Ramal Rüstəmov, Səfər Muradov, Adil Quluzadə, Eltun Abazərli, Mirəzim Seyidzadə, Əli Rzazadə və Büsat İmanlı müvafiq olaraq 35, 38, 41, 44, 48, 52, 57, 62, 68, 75, 85 kq çəki dərəcələrində birinci yerə layiq görülüblər. 

İlk üç yerin qalibləri diplomla təltif ediliblər.