Azərbaycan Dövlət Neft Şirkətinin (SOCAR) "Azəriqaz" İstehsalat Birliyinin Naxçıvan Regional Qaz İstismarı İdarəsindən verilən məlumata əsasən, Naxçıvan şəhər Əziz Əliyev prospektində aparılan təmir-bərpa işləri ilə əlaqədar olaraq saat 12:30-dək 6437 abonentin və 300 qeyri-yaşayış obyektinin müvəqqəti olaraq qaz təchizatı dayandırılacaq.
Təmir-bərpa işləri zamanı 10-cu küçə, Çənlibel məhəlləsi, 36-cı məhəllə, 20-ci məhəllə, Məmməd Araz küçəsi, Xətai məhəlləsi, 48-ci məhəllə, 49-cu məhəllə, Əziz Əliyev küçəsi, Şahtaxtinski küçəsi, 9-cu məhəllə, 35-ci məhəllə, Ümid gənclər şəhərciyi, Sabir küçəsi, 11-ci məhəllə, 12-ci məhəllə, Qoçüstü məhəlləsi, “Cahan” Ticarət Mərkəzində qaz təchizatında məhdudiyyət olacaq.
Təmir işləri yekunlaşdıqdan sonra qazın əvvəlki rejimlə verilməsi bərpa olunacaqdır.
