2025 – ci ilin “Konstitusiya və Suverenlik İli” elan edilməsi ilə bağlı Naxçıvan Şəhər İcra Hakimiyyətinin Tədbirlər Planına uyğun olaraq Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəliyinin dəstəyi və Naxçıvan Şəhər İcra Hakimiyyətinin təşkilatçılığı ilə Naxçıvan şəhərinin mərkəzi küçələrində və digər ərazilərində 1000 ədəd “Xan çinarı” ağacının və 300 ədəd Akasiya ağacının əkilməsinə başlanılıb.
Hazırda Naxçıvan şəhərində yerləşən Zəfər Parkında 46 ədəd “Xan çinarı” ağacı əkilmişdir.
Eyni zamanda Naxçıvan şəhərində yerləşən Heydər Əliyev prospektində, Cəlil Məmmədquluzadə, İstiqlal və Nizami Gəncəvi küçələrində 200-dən artıq ağacın gün ərzində əkilməsi planlaşdırılıb.
“Xan çinarı”nın və Akasiya ağaclarının Naxçıvan şəhərinin mərkəzi küçələrində və digər ərazilərində əkilməsi həm ekoloji, həm də estetik baxımdan böyük dəyərə malikdir.
Qeyd edək ki, “Xan çinarı” ağacı qədim və möhtəşəm görünüşü ilə şəhərə gözəllik qatır, tarixi və milli dəyəri vurğulayır.
“Xan çinarı” Azərbaycanın “Qırmızı Kitab”ına daxil edilib və dünyanın ən uzunömürlü ağaclarından sayılır. Adətən, bu ağaclar 1000-1500 il ömür sürürlər. Əzəmət və ucalıq rəmzi hesab edilən “Xan çinarları”nın hündürlüyü 25-30 metrə, bəzi hallarda isə 50 metrə çatır.
Naxçıvan şəhərinin mərkəzi küçələrində və digər ərazilərində 1300 ədəd ağacın əkilməsi nəzərdə tutulur.
.jpeg)
.jpeg)
.jpeg)