Naxçıvan Muxtar Respublikasının 100 illik yubileyi ilə əlaqədar yeniyetmə və gənc oğlanlar arasında üzgüçülük üzrə Naxçıvan şəhər açıq birinciliyi keçirilib.

İlham Əliyev adına Olimpiya İdman Kompleksinin Üzgüçülük Mərkəzində Naxçıvan Muxtar Respublikasının 100 illik yubileyi ilə əlaqədar yeniyetmə və gənc oğlanlar arasında üzgüçülük üzrə Naxçıvan şəhər açıq birinciliyi keçirilib. 

Naxçıvan Şəhər İcra Hakimiyyəti, Naxçıvan Muxtar Respublikası Gənclər və İdman Nazirliyi, Naxçıvan Şəhər Gənclər və İdman İdarəsi və İlham Əliyev adına Olimpiya İdman Kompleksinin təşkilatçılığı ilə üzgüçülüyün sərbəst üsulu üzrə 25 metr məsafədə keçirilən yarışda 3 yaş qrupunda 25 idmançı iştirak edib. Açıq birinciliyin yekununa əsasən 2008-2009-cu il təvəllüdlü idmançılar arasında Mustafa Əzimov, Mircəlal Seyidov, Həsən Nəsirli, 2010-2011-ci il təvəllüdlü idmançılar arasında Yusif Mahmudov, İbrahim İsmayılzadə, Ziya Seyidli, 2012-2015-ci il təvəllüdlü idmançılar arasında isə Uğur Novruzlu, Əli Vəlizadə və Abdulla Almuradov I, II və III yerlər üzrə qalib olublar. 

Sonda qalib idmançılar təşkilatçılar tərəfindən təltif ediliblər.