İyunun 21-də Zəngəzur Milli Parkında, Batabat yaylağında işə başlayan “Qərbi Azərbaycana qayıdış” festival-konqresində Naxçıvan Şəhər İcra Hakimiyyəti də tərəfdaş qurum kimi iştirak edir.

İcra hakimiyyəti tədbirin birinci günündə festival-konqres iştirakçılarına Azərbaycanın tarixi torpağı olan İrəvan şəhərinə aid maddi-mədəniyyət və kulinariya nümunələri, kitab sərgisi, teatr səhnəciyi təqdim edib. İrəvan şəhərinin təqdimatı tədbir iştirakçıları tərəfindən böyük maraqla qarşılanıb.
Xatırladaq ki, festival-konqres 22 iyun tarixində də işini davam etdirəcək.